ធ្វើម៉េច TikTok ឆាប់ផ្ទុះ

តើ ​​TikTok Algorithm មានដំណើរការបែបណា?

មុននិងនិយាយថាវាដើរបែបណា បងៗខ្លះប្រហែល​ជាឆ្ងល់ហើយថាអ្វីទៅជា Algorithm ?

Algorithm ជាវិធីសាស្រ្ដដែល​ TikTok ប្រើដើម្បីវាយតម្លៃទៅលើ Video ទាំងអស់ដែលបង្ហោះចូលទៅក្នុង Platform TikTok ហើយបើគេសិក្សាឃើញថា Video ណាល្អ ត្រូវនឹងលក្ខខណ្ឌ​របស់គេ ប្រព័ន្ធនឹងរុញវីដេអូនោះឲ្យចូលទៅកាន់ For You Page ដែល​គេហៅកាត់ថា FYP នោះឲ្យឯង ។

ហើយសួរថា For You Page ហ្នឹងនៅកន្លែងណា? គឺជាកន្លែងដែលអ្នកលេង TikTok បើកapp ភ្លាម​ក៏ឃើញវីដេអូលោតចូលមកនេះឯង

សាកស្រមៃមើល ប្រសិនបើវីដេអូលក់ផលិតផលរបស់អ្នក​ លោតទៅកាន់មនុស្សរាប់លាននាក់លើ TikTok ដោយមិនចាយលុយសូម្បីមួយសេន តើយើងនឹងចំណេញថ្លៃប៊ូសបានច្រើនប៉ុណ្ណាទៅ?

ក្នុង Telegram: SocialCommerceKH ខ្ញុំ​នឹងនិយាយពីកត្តាធំទាំង៤ដែល TikTok សិក្សាលើ video មុននឹងសម្រេចថាជួយរុញ ឬទម្លាក់ចោល

តែក្នុងអត្ថបទនេះ ខ្ញុំ​ចង់សង្កត់ធ្ងន់ជាងគេទៅលើ ដំណើរការរបស់ TikTok Algorithm ព្រោះថាបើយើងមិនដឹងពីដំណើរការរបស់វាច្បាស់ យើងក៏នឹងពិបាកធ្វើឲ្យវីដេអូបាន viewច្រើនលើ TikTok ផងដែរ ។​

TikTok ជាវេទិការមួយដែល​ឲ្យតម្លៃខ្លាំងទៅលើ #បទពិសោធអ្នកលេង ដែល​មាន​ន័យថា វាព្យាយាមរុញមាតិកាដែល​យើងចូលចិត្តមើល​ឲ្យយើងជាអ្នកលេង​ TikTok បន្ដមើលពីវីដេអូមួយ ទៅមួយទៀតយ៉ាងជក់ចិត្ត ភ្លេចបាយភ្លេចទឹក ។
.
អ៊ីចឹង តើ TikTok ដឹងថាយើងចូលចិត្ត video អីដោយរបៀបណាទៅ?

• រំលឹកដល់ពេល​ដំបូងដែលយើង ចុះឈ្មោះបង្កើត TikTok Account ។ យើងប្រាកដជាប្រាប់ទៅ TikTok ពីព័ត៌មានផ្ទាល់ខ្លួនរបស់យើងដូចជា ឈ្មោះ អាយុ ភេទ តំបន់ដែល​យើងរស់នៅ ចំណង់ចំណូលចិត្ត រូបថត ឬ វីដេអូផ្ទាល់ខ្លួនជាដើម ។

• នៅពេល​បង្កើត TikTok Account បានជោគជ័យ​ហើយយើងចាប់ផ្ដើមបើក app ចូលលេងដំបូង TikTok បានបង្ហាញនូវ Video ដែល​ពេញនិយមជាងគេនៅក្នុងតំបន់ ឬប្រទេស​ដែលយើងរស់នៅ ដោយផ្អែកលើព័ត៌មានដែលគេប្រមូលបានក្នុងដំណាក់កាលទីមួយ ពេល​ដែល​យើងចុះ ឈ្មោះនោះឯង

• ពេល​អ្នកលេងTikTok មើលវីដេអូទាំងនោះ គេនឹងធ្វើសកម្មភាពមួយចំនួនដូចជា ចុចឲ្យបេះដូង ចុចfollow ចុចsave ចុចcopylink ចុចcomment ឬមិនចុចអ្វីទាំងអស់តែមើលវីដេអូតែមួយម្ដងហើយម្ដងទៀត ។

សកម្មភាពតូចៗទាំងនេះហើយ ដែល​ធ្វើឲ្យ TikTok ដឹងថាអ្នកកំពុងមើលវីដេអូ TikTok ចូលចិត្តអ្វី ហើយមិនចូលចិត្តអ្វី ។ មនុស្សកាន់តែមើលវីដេអូ TikTok យូរប៉ុណ្ណា TikTok កាន់តែដឹងចិត្តរបស់ពួកគេបានច្រើនប៉ុណ្ណោះដែរ ។